Ikasturte amaierako ikuskizunerako hondartza bihurtu dute Espaloia eskolako neska-mutikoek

Eskolako haur taldea, dantzan.
Seigarren mailako ikasleek egin dituzte sorosle lanak.

Arrakastatsua izan ohi da eskolako neska-mutikoen ikasturte amaierako ikuskizuna, eta aurten ere guraso eta senitarteko ugari izan dira umeak ikusten. Hondartzara eraman gaituzte neska-mutikoek. Abesti dantzagarrien bitartez uda giroan murgildu dituzte ikusleak eta herrian artista txiki asko dagoela argi ikusi da.

Taldeka antolatuta hainbat doinu dantzagarrirekin osatutako ikuskizuna eskaini dute. Ikusleek bikain erantzun dute eta txalo zaparrada handiak entzun dira. Argazki zein bideo-kamarak ere asko izan dira.

Seigarren mailakoei agurra

Ohikoa izaten da ikasturte amaierako ikuskizunean hurrengo ikasturtean Bergararako jauzia egingo duen taldeari agurra egitea. Bosgarren mailako neska-mutikoek bi kantu eskaini dizkiete txirularekin, tartean Alaitasunaren ereserkia.

Ikasturte amaierako ikas-bidaia dute aste bukaeran seigarren mailakoek. Ikuskizuna amaitu eta ia segidan abiatu dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.