Amaitzear den ikasturte honetan izan duten funtzionamendu berdina izango dute irailetik aurrera ere hiru zerbitzuek. Hileko kuotak, zerbitzu ezberdinen ordutegia eta adin tarteei dagokien eskakizunak ere berdinak izango dira.
Zaintza eta ludoteka zerbitzuak irailaren 8tik ekainera bitartean eskainiko ditu Udalak, eta eskolako egutegia izango dute. Zaintza zerbitzua 2012tik aurrera jaiotakoendako da, eta 16:00etatik 19:00etara eskainiko dute. Prezioa da 90 euro hilean. Ludoteka zerbitzua 2010etik aurrera jaiotakoendako da eta 16:30etik 19:00etara eskainiko dute. Prezioa da 30 euro hilean.
Gazteleku zerbitzua urritik martxora bitarteko zapatuetan eta domeketan eskainiko du Udalak, 16:00etatik 20:00etara. 2004. urtetik gora jaiotako neska-mutikoendako da, eta prezioa da 25 euro hilean.
Aurre-matrikulazioa
Aurre-matrikulazio epea zabaldu du Udalak. Interesatuek uztailaren 10era arteko epea dute udaletxean izena emateko. Argibideetarako: danonartian@elgeta.net.