Zapatuan, hilak 14, izango da Kuadrillen Eguna. Aurten ere gisatu lehiaketa, herri bazkaria eta erromeria antolatu ditu Udalak.
Aurrekoetan moduan, Udalak ipiniko ditu kazuelak eta kuadrilla bakoitzak hamar lagunendako gisatua prestatu beharko du, 14:00etarako. Osagaiak izango dira okela eta patata. Saltsa egiteko bakoitzak gura dituen osagaiak erabil ditzake. Zaporea eta itxura baloratuko dira. Iaz hamar kuadrillak hartu zuten parte, eta Milizianoek irabazi zuten.
Aurten, irabazleek 75 euroko saria eramango dute. Bigarren saria 40 eurokoa da, eta hirugarrena 25 eurokoa.
Sari banaketaren ostean herri bazkaria izango da. Udalak ipiniko ditu mahaiak eta aulkiak. Bazkaldu ostean Haitzama taldearekin erromeria egongo da.
Egitaraua
10:30, plazan, gisatu lehiaketa
14:00, plazan, lehiaketako gisatuak aurkezteko epemuga.
14:30, plazan, sari banaketa eta ondoren herri bazkaria.
17:30, plazan, erromeria Haitzama taldearekin.
