Zapatuan 80 bolaritik gora espero dituzte kiroldegiko bolatokian. Gipuzkoako hiru txirlo txapelketako zortzigarren jardunaldia jokatuko dute 17:00etan hasita, eta emozioa ez da faltako. Etxeko bolariak sailkapeneko goiko postuetan daude, eta garrantzitsua izango da txirloak jotzea mailari eta sailkapenari eusteko.
Asola Berriko Arkaitz Rodriguez doa sailkapenean lehenengo 22 txirlo jota. Jarraian, eta 19 txirlo jota bost bolari daude berdinduta, tartean Elgetako taldeko Antonio Ibarluzea. Sebastian Arantzabalek 18 txirlo jo ditu aurreko jardunaldietan eta goiko postuetan da baita ere.
Biharko jardunaldia, beraz, garrantzitsua izango da etxeko bolariendako.