Mugimendu handiko eguna izango da barikua gaztetxean. 18:30ean Iñigo Cabacas auziaren inguruko azken ordua ekarriko dute Oier Amorrortuk —lehengusua— eta Irma Orozkok —abokatua—. Iñigo Cabacas. Crónica de una herida abierta izeneko ikus-entzunezkoa eskainiko dute lehenengo eta behin, eta hitzaldia egingo dute ondoren.
Afaria eta kontzertua
Afariarekin eta Guaka taldearen elkartasun kontzertuarekin jarraitzea proposatzen dute gaztetxetik.
Herri maputxearen aldeko elkartasun kontzertuak egiten ditu Guaka taldeak, eta aurretik ere egonda dago Elgetan. Afaria 22:00etan izango da, eta kontzertua 23:30ean. Kontzerturako sarrera hiru euro da.