Maiatzean eta ekainean lau bisita gidatu abiatuko dira Elgetako Memoria Historikoaren Euskal Interpretazio zentrotik. Bisita horietan, besteak beste, 1.936ko urritik 1937ko apirilera bitartean Elgetako sektorean emandako borrokaldien berri emango dute.
Interesatuek izena eman behar dute 943 71 89 11 edo 943 79 64 63 telefono zenbakietara deituta edo turismo@debagoiena.net helbide elektronikora idatzita. Argibide gehiago hemen.
Zozketako zenbaki sarituak
Apirilaren 27an egindako errekreazioa diruz laguntzeko zozketan, berriz, ondorengo zenbakiak izan dira sarituak:
1. IPAD Mini 16 GB: 694 (ordezkoa: 1.379)
2. Intxorta 1.937 Kultur Elkartearen liburu sorta: 1.246 (ordezkoa: 587)
3. Bi lagunendako bazkaria Elgetan: 1.056 (ordezkoa: 1.224)
Arropa itzultzeko epea
Errekreazioan parte hartu duten boluntarioek, berriz, maiatzaren 16ra arteko epea dute apirilaren 27an erabilitako arropa eta materiala itzultzeko. Elgetako udaletxera eraman behar dira ohiko ordutegian (09:00-17:00). Udaletxeko ordutegitik kanpo etortzekotan mezua bidali aurrez danonartian@elgeta.net helbide elektronikora.
