Apirilaren 27an egingo dute Intxortako gerrateen bigarren errekreazioa

Iazkoarekin alderatuz, hainbat berrikuntza izango dira errekreazioan: antzezpena egiteko leku gehiago izango dute, kanoia ekarriko dute eta Elgetatik igoko dira gudariak eta milizianoak Intxortara. 120 lagun izango dira, aurrez parte hartutakoak batzuk, baina kide berriak ere bai. Atzo, zapatuan elkartu ziren Espaloian, jantziak eta osagarriak hartu eta egin beharrekoen gaineko azalpenak jasotzeko. Apirilaren 26an, egingo dute azken entsegua.

Egun osoko egitaraua prestatu dute apirilaren 27rako Elgetan: aipatutako Intxortako gerrateen errekreazioaz gainera, lubakietara igoera, Salbador ermitan omenaldia, memorialisten azoka plazan eta herri bazkaria ere izango dira-eta.

Herri bazkarirako txartelak salgai

Herri bazkarirako txartelak 12 eurotan daude Bolatokian dagoeneko salgai baina sarez ere eskura daitezke helbide honetan: danonartean@elgeta.net atarian, hain zuzen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.