Udal gobernuak martxoko osoko bilkuran aurkeztu zuen 2013. urteari dagokion likidazioa, eta Oxel Erostarbe alkateak azaldu zuenez soberakinarekin itxi du urtea Udalak. "Hainbat inbertsio tarteko une batzuetan tesoreria arazoak izan genituen iaz, baina esan beharra dago aurre egin diogula urteari. Gainera, soberakinarekin amaitu dugu urtea; 38.268,96 euroko soberakinarekin, hain zuzen ere".
Alkateak jakitera eman duenez diru hori 2014ko aurrekontura joango da. "Urtean zehar joango gara diru hori zertan erabili pentsatzen", esan zuen osoko bilkuran.
