'Muu!2' antzezlanak Yllana purua ekarri zuen Espaloira

Toreroa, besoak zabal-zabalik, Espaloiko taula gainean.
Espaloiak 10 urte bete ditu, eta Yllanak 20. Eta zer hobeto orain dela 20 urte estreinatutako 'Muu!' antzezlana baino, taldearen lehenengoa, bi urteurrenok ospatzeko? Yllana konpainia madrildarrak Espaloiko publiko fidela zuen zain Elgetan, 200 bat lagun, eta publikoak Yllana puru-purua topatu zuen egubakoitzean aurkeztutako 'Muu!2' lanean.

Berba gutxi eta keinu asko; ironia, satira eta umorea; musika… hori izan zen beste behin ere Yllanaren ardatza, eta hortik abiatuta ezohiko lau toreroren gorabehera xelebreak taula gainean. Publikoa, ostera, gustura matxismoa, ausardia, aberria eta Espainiako jai nazionalaren gainean orain dela 20 urte egindako satira garratzari begira, oraindik ere gaurko gai diren horiei. Gustura eta istorioan guztiz sartuta, orain koldarra, gero beldurtia, oihukatuz toreroei.

Hala, beste behin ere Yllanak eta Espaloiko publikoak bat egin zuten, elkarrekin gozatzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.