Martxoaren 22an beteko ditu 18 urte Elgetako gaztetxeak. Aurten, zapatua izanik urteurreneko egunean bertan egingo dute ospakizuna. Triki-poteoa (20:00etan), eta bertso-afaria (22:30ean) antolatu dituzte. Menua da sarrerakoak, entsalada, oilasko izterrak brasan, postrea eta kafea. Ondotik Unai Gaztelumendi eta Julio Soto ariko dira bertsotan. Prezioa 15 euro da eta izenemate epea zabalik da Haizea tabernan barikura arte.
Auzolanerako deia goizerako
Aurreko urteetan moduan eta urteurreneko ekitaldien barruan txukuntze lanak egiteko auzolanerako dei egin dute gaztetxetik. Hala, zapatuan, goizean zein arratsaldean, garbiketa, margoketa eta konponketa lanak egiteko hitzordua egin dute; 10:00etatik 14:00etara eta 16:00etatik 19:00etara.
