Martxoaren 19an, eguaztena, emango diote hasiera umeendako euskal dantzen ikastaroari. Hasiera honetan 43 neska-mutikok eman dute izena, eta arduradunek bi taldea osatzea erabaki dute. 2005etik 2009ra jaiotakoek osatuko dute talde bat, eta 27 lagun daude izena emanda. Adin tarte horretan, iaz, 29 lagunek egin zuten dantza. Eguaztenetan egingo dute ikastaroa; 18:15tik 19:00etara.
Handitu dena nagusitxoen taldea izan da. Aurten, DBHko ikasle elgetarrei ere dantza ikastaroan parte hartzeko aukera eskaini zaie eta bost lagunek eman dute izena. Talde honetan ariko dira 1.999tik 2004ra bitartean jaiotakoak. Guztira, 16 lagunek eman dute izena. Iaz, 12 lagunek egin zuten dantza. Kasu honetan ere eguaztenetan egingo dute ikastaroa, baina 19:00etatik 20:00etara.
Irati Kortabitartek eta Xabat Leanizbarrutiak gidatuko dute, aurten ere, euskal dantzen ikastaroa. Iaz Agurra, Olagueko esku-dantza, Zapatagin dantza, Txulalai eta beste hainbat dantza erakutsi zituzten. Gero, Ferixa Nagusiko jaietako Herri Egunean neska-mutikoek jendaurrean erakutsi zituztenak. Aurten ere, asmoa da herriko jaietan umeen dantza emanalditxoa egitea. Iazko dantzak gogoratu eta berriak ikasten saiatuko direla adierazi dute arduradunek.
