Eguraldi iragarpenek huts egiten ez badute neguko giroa izango dugu aste bukaeran, eta aterpean ospatu beharko ditugu Aratusteak, bihar. Eskolak erabakita dauka mozorro desfilea eta dantza emanaldia frontoian egitea. Txokolate-jana eta umeendako jolasak ere bertan izango dira. DJ festa, berriz, kafe antzokian.
Afaria
Gaztetxeak afaria antolatu du biharko. Barazki paella eta solomoa dituzte menuan. Prezioa zortzi euro da, eta Haizea tabernan eman behar da izena. Goizalderako abilezia probak iragarri dituzte gaztetxetik.