Medikuarengana azpiko arropa garbiekin joaten ez bazara zer gertatzen da? Zergatik jartzen da Benitoren Erribera taberna guztiak ixteko? Ze Nobel saridunek asmatu zuen komuneko eskuila?... Galdera horiei eta beste askori erantzuna ematen saiatuko dira Nagore Aranburu, Egoitz Lasa eta Mikel Pagadi Potologuak ikuskizun berrian.
Txintxetakoek oso zapore goxoa utzi zuten Espaloian orain dela bi urte Bodologuak ikuskizunarekin. Orain, Elgetan estreinatuko dute ikuskizun berria hilaren 21ean, 22:30ean. Umorezko bakarrizketa saio berria, euskaraz.
Sarrerak salgai
Sarrerak salgai daude espaloia.com atarian eta antzokian. Prezioak hauek dira: aurrez 10 euro, leihatilan 12 euro eta bazkideendako 8 euro (Espaloian bertan).
