Bideberri mankomunitateak Elgetako Udalarekin batera bultzatutako tailer aktiboak barikuan, hilak 14, izango du jarraipena gaztetxean. Urtarrilaren 17an egin zuten lehenengo saioa eta udaletik jakitera eman dutenez gazteek modu oso positiboan baloratu zuten tailerra.
Barikuan emango diote jarraipena urtarrilean abiarazitako ekimenari. Gaztetxean elkartuko dira gazteak eta Harremonitz elkarteko bi dinamizatzaileak. Antolatzaileek gogorarazten dute tailerra irekia dela eta interesatuek zabalik aurkituko dituztela gaztetxeko ateak.