Ikus-entzunezkoa prestatu du Astiazaranek udaberrian Euskal Herrian zehar egindako 4.400 kilometroko txirrindu-bidaian jasotakoekin, eta erakustera dator. 800 herri eta 175 mendate igaro zituen bizikleta gainean. "Motxilan neraman kameraz grabatutako irudiekin sortutako 54 minutuko euskarazko dokumentala da Euskal Herriko altxorretan barrena. Dokumentalaren helburua Euskal Herriko txokorik ederrenak erakutsi eta gure herrialdean bidaiatzeko ideiak ematea da", dio Astiazaranek.
Lasturtarra 19:00etatik aurrera izango da Espaloian. Elgetatik ere igaro zen udaberriko bere abenturan.