Futbolin erraldoiak arrakasta handia izan du Gabonetako Haur Parkean, Elgetan

Elgetako neska-mutiko taldea futbolin erraldoian.
Jolasguneak gaur zabaldu ditu ateak, eta bihar ere zabalik egongo da 16:00etatik 20:00etara.

70 haur hartu ditu gaur arratsaldean Gabonetako Haur Parkeak, Elgetan. Urtero moduan frontoian kokatu dute eta aurten ere bi arratsaldez —gaur eta bihar— izango da zabalik, 16:00etatik 20:00etara. Sarrera hiru euro da.

Zalantzarik gabe futbolin erraldoiak izan du arrakasta gehien gaurko saioan. Neska-mutikoek txanda egin behar izan dute jolasteko eta ilara egon da ia arratsalde osoan. Gainerakoan, arku-tiraketan jarduteko guneak, badminton joko batek, raketan egiteko jokoak eta bi puzgarrik osatzen dute parkea. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.