Zelako kontzertua izango da errepertorioari dagokionez? Azukre koxkorrik izango da?
Ba, bai. Azukre koxkor batzuk aterako ditugu, eta baita sasoi ezberdinetako kantuak ere. Badugu non aukeratu eta azken urteotako emanaldietan sartu gabeko pieza askotxo sartzen ditugu oraingo biran. Azken diskoa ere ospatu gura dugunez, horko kantu dezente ematen saiatzen gara.
Taularen gainean ondo lagunduta izango zara.
Azken diskoko musikariak izango ditut alboan: Lutxo Neira baxuan, Arkaitz Miner gitarraz, mandolinaz eta biolinaz eta Hasier Oleaga baterian. Azken urteotako Mugalaris-ak, azken finean.
Zelako harrera izan dute orain arteko emanldiek?
Harrera on-ona, egia esan, eta baita diskoak ere, eta poztekoa da oso, bizi dugun garai ilunak kontuan hartuta. Espaloia, gainera, plaza goxoa izaten da... Ondo joan dadila!
