Gaur da Emakumeen Kontrako Indarkeriaren Aurkako Nazioarteko Eguna. Bailarako gainerako herri ia guztietan bezala protesta eta aldarrikapen ekintzak burutu dira Elgetan ere. Puntu morea dago ikusgai udaletxean, eta zapatuan autodefentsa feministari buruzko tailerra egin zuten 20 bat emakumek gimnasioan.
Horrekin lotuta, atzo domeka elkarretaratzea egin zuen Herriko plazan herritar talde batek. Euriari eta hotzari aurre eginez 25 bat lagun elkartu ziren udaletxeko arkupean, tartean Oxel Erostarbe alkatea, EH-Bilduko bozeramaile Janire Lazkano eta EAJko bi zinegotziak —Patxi Basauri eta Maria Jesus Lete—. Agerraldi isila izan zen, eta amaieran txaloak ere entzun ziren.