Bideberri mankomunitateak antolatuta drogamenpekotasuna landuko dute Elgetako gaztelekuan 10-15 urte bitarteko gazteekin. Prebentzioa da helburua, eta Kalexka elkarteko bi lagunek bi saio egingo dituzte herrian. Azaroaren 23an, zapatua, 10-12 urte bitarteko gazteekin egingo dute tailerra. Azaroaren 30ean, berriz, 13-15 urte bitarteko gazteekin.
Saioak doan dira, 17:30ean hasiko dira eta bi ordu eta erdiko iraupena izango dute. Joko eta dinamika ezberdinen bidez gazteek gaiaren inguruan dituzten zalantzak eta kezkak argitzen saiatuko direla esan dute Kalexkatik.