Bergarako Zabalotegi aretoan dute bihar hitzordua Anje Loitik, Irene Castelosek, Maria Egizabalek, Nahikari Zubillagak, Eider Ramosek, Xabier Delgadok, Leire Quintasek eta Uxue Gallastegik. Bi taldetan banatuta Kantari saioaren grabaketa egingo dute 18:55ean hasita. Betagarriren Bidea eta Hemendik at taldearen Eskutitza kantuak abestuko eta dantzatuko dituzte. Aurreko astean egin zuten entsegua eta ondo joan zela esan du Amaia Txintxurreta gidariak. Koreografia eta mugimenduak prestatu zituzten gehienbat.
Biharko saiorako sarrera doan da. Aforoa kontrolatu aldera taldekide bakoitzak sei sarrera jaso ditu, baina gehiago ere egongo dira eskuragarri Zabalotegi atarian.