Harategian, arrandegian eta Ugari dendan sariak banatzen jarraitzen dute erosketak modu jasangarrian egiten dituzten herritarren artean. Hau da, plastikozko ontziak erabiltzen dituzten erosleen artean.
Atzo egin zuten urriko zozketa, eta hauek dira denda bakoitzean sarituak izan diren zenbakiak:
- Amagoia Arraindegia: 736.
- Goikoetxe harategia: 518.
- Ugari dendan: 62.
475 erosketa
Elgetako Udalak Ekogunerekin elkarlanean uztailean ipini zuen martxan Ontziratu zaitez! kanpaina. Jakitera eman dutenez gutxienez 475 lagunek erabili dituzte plastikozko ontziak euren erosketak egiteko. "Udaletxetik zorionak eman gura dizkiegu euren erosketa modu jasangarri batean egiten diharduten elgetarrei", adierazi dute. "Gogoratu gura dugu, tupperrak dendetan eta udaletxean bertan eska daitezkeela eta etxekoak ere erabil daitezkeela".