Bat baino gehiago mozorrotuta irtengo da gaur arratsaldean kalera. Arimen Gaua da, eta ospakizun horren bueltan hainbat ekintza iragarri dituzte, batez ere seigarren mailako neska-mutikoek.
17:00etan umeendako jolasak eta eskulanak iragarri dituzte eskolako ganbaran. Antzezlana ere egingo dute, 19:00etan. Ondoren, hilerri ingurura egingo den irteera batean parte hartzera gonbidatu ditu neska-mutikoak Maala guraso elkarteak. "Ekintza honekin gura da Halloween-ek gure herrian hartu duen indarra lehengo ohiturak berreskuratzera bideratzea". adierazi dute udaletxetik.
Egitaraua
. 17:00etatik 19:00etara: Eskolako ganbaran umeendako jolasak. (Sarrera 1 euro).
. 19:00ean antzerkia seigarren mailako neska-mutikoen eskutik.
. 19:30ean kanposantu ingurura bisita. Antolatzaileek umeak eta nagusiak mozorrotuta joatera animatzen dituzte eta mozorroak etxeko arropa zaharrekin egitera. "Halaber, etxez-etxe gozoki bila doazenek "gozoa edo sustoa" berbak esatea gura genuke", adierazi dute.