Abiatu da Kantari, Goiena Komunikazio Taldeak bi urtean behin Debagoieneko 8 eta 12 urte arteko gaztetxoendako egiten duen karaoke saioa. Laugarren edizio honetarako Elgetako bi taldek eman dute izena:
- Elgetarrak taldea osatzen dute Maria Egizabalek, Anje Loitik eta Irene Castelosek.
- Last pop taldea osatzen dute Naikari Zubillagak, Eider Ramosek, Xabier Delgadok, Leire Quintasek eta Uxue Gallastegik.
Entseguak eta kantuak
Talde biek Bergaran azaroaren 9an 18:55ean hasita grabatuko den saioan hartuko dute parte. Elgetarrak taldeari Betagarriren 'Bidea' kantua egokitu zaio. Last pop taldea-k, berriz, Hemendik at taldearen 'Eskutitza' kantua abestuko du. Grabaketa egin baino astebete lehenago entsegua egingo dute talde biek Bergaran. Koreografia egiteko laguntza jasoko dute azaroaren 3an egingo den entsegu horretan.