Herrira mugimenduaren aurkako polizia operazioa dela-eta, atzo bilera irekia egin zuen herritar talde batek udaletxean. Bertan, hainbat mobilizaziorako dei egitea adostu zuten. Lehenengoa, gehiengo eragile sindikalak bihar eguerdirako, barikua, deitu duen elkarretaratzea. Plazan izango da 12:00etan hasita.
Iluntzerako, beste elkarretaratzea deitu dute. 19:30ean izango da herriko plazan Konponbideari erasorik ez, utzi bakean Euskal Herria lemapean. Ondoren, kalejira informatzailea egingo dute zapaturako antolatuta dagoen autobusari buruzko informazioa emateko.
Zapatuan autobusa Bilbora
Zapatuan, 17:30ean hasiko da manifestazioa Bilbon. Elgetatik autobusa irtengo da: 16:00etan, herriko plazatik.