Baskale elkarteko Klaus Armbrusterrek aurkeztuko du gaur Legion Condor-ek eragindako Gernikaren suntsipena izeneko erakusketa. 17 panel handik osatzen dute erakusketa, eta bertan 1936ko gerran Luftwaffek izandako parte-hartzearen inguruko informazio ugari ematen da. Erakusketa hil amaierara arte egongo da ikusgai Espaloia kafe antzokiko Euskal Herriko Memoria Historikoaren Euskal Interpretazio Zentroan.
Gaurko hitzordua 77. urteurreneko ekitaldien barruan kokatu behar da.
Elgetako bonbardaketa
1937ko apirilean bonbardatu zuten Elgetan. Operazio horretan abiazio italiarrak hartu zuen parte gehienbat, baina baita alemaniarrak ere. Bonbardaketa horren inguruko azalpenak emango ditu 19:00etan Intxorta 1937 kultur elkarteko Juan Ramon Garaik.