"Egoera ekonomikoa guztiontzako larria dela ezagututa, inoiz baino garrantzitsuagoa da lehentasunak ondo zehaztea", adierazi dute udal gobernu taldetik. Hala, ekarpenak egiteko dei egin diete herritarrei, eta bi bide ezarri dituzte horretarako: urriaren 16an, 19:00etan, udaletxean egingo den batzar irekian parte hartzea edo proposamenak idatziz egitea bai udaletxean dagoen postontzia erabiliz bai www.elgeta.org webgunea edo danonartian@elgeta.net e-posta helbidea erabiliz.