Sagardo Egun "borobila", antolatzaileen hitzetan, izan zuten zapatuan Elgetan, egun osoko egitarauarekin. Besteak beste, paella-jana egin zuten eguerdian 13 lagunek eta, urteko tortilla lehiaketaren ondoren, parte-hartzaileen tortillekin egindako pintxo ia guztiak saldu zituzten. "Nahiz eta erretiratuak herritik kanpo egon, jende piloa zebilen plazan", esan digu Janire Lazkanok, antolatzaile-taldekoak.
Arratsaldean, triki-poteoa egin zuten herriko taberna guztietan, eta gauean, 31 lagun batu ziren bertso-afaritan, Jokin Labaien eta Manex Agirrerekin; bukatzeko, parranda egin zuen nahi izan zuenak. Aurten, bertso-saioa patxadatsuagoa izan da, denbora luzeagoarekin, eta afaloste polita egin zuten.
Tortilla lehiaketako sailkapena
- Milizianak 27 puntu
- Los Angeles de 23 puntu
- Faka faka 21 puntu (Itxura: 20 puntu) eta Ahior 21 puntu (Itxura: 20 puntu)
- Arrate eta Irati 21 puntu (Itxura:14 puntu)
- Kletxo 21 puntu (Itxura: 12 puntu)
- IMX 20 puntu
- Txupipa 18 puntu
- Untxien erreginak 16 puntu (Itxura: 26 puntu)
- Beverly Hills 16 puntu (Itxura: 18 puntu)
- Millonarixuak 16 puntu (Itxura: 11 puntu)
- Milizianoak 15 puntu
- Despistaus 14 puntu
- Txatxipi 13 puntu
- Super neskak 12 puntu (Itxura: 22 puntu)
- Aupa Reala 12 puntu (Itxura: 15 puntu)
- Maruxinak 7 puntu