Eider Sarasuak eta Arrate Egurrolak irabazi dute aurten tortilla lehiaketa

Giro onarekin ospatu zuten zapatuan urteroko Sagardo eguna Elgetan. Eguerditik hasi zen festa giroa herrian, eta bazkariaren ostean eman zioten hasiera tortilla lehiaketari. Parte hartu zuten 17 taldeak 18:00etan hasi ziren zartagin eta sukaldeko tresna artean eta ordubeteko tartea izan zuten tortilla bana egiteko.

Jose Ramon Irazabalek, Iraitz Lazkanok eta Geaxi Ezpeletak egin dituzte aurten epaimahai lanak. Itxura eta zaporea puntuatu zituzten, eta 20:00ak jo aurretik egin zuen gaztetxeak sari banaketa.

Talde irabazlea Milizianak

Originaltasunaren saria Untxien erreginak taldeko neskek jaso zuten. Tortilla txarrenaren saria Maruxinak taldeko kideek eraman zuten, eta sari nagusia Milizianak taldeko Eider Sarasuak eta Arrate Egurrolak irabazi zuten. Ez da Sarasuak eta Egurrolak sukalde lanetan saria jasotzen duten lehen aldia. Beste bi kiderekin batera gisatu lehiaketako sari nagusia jaso zuten udaberrian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.