Urriaren 4an beteko dira 77 urte Intxortako frontea ezarri zela. Hala, Udalak eta Intxorta 1937 kultur taldeak bost ekitaldi iragarri dituzte. Irailaren 26an, Elgeta Memoria izeneko mugikorrendako aplikazio berria aurkeztuko dute. "Aplikazio horren bidez, informazio ugari jaso ahal izango da geolokalizatutako argazki, bideo eta audio-giden bitartez. Euskaraz, gazteleraz eta ingelesez erabili ahal izango da".
Ekitaldi sorta urrian
Gernikaren suntsipenak garrantzi handia izango du urtemugan: erakusketa eta hitzaldia iragarri dituzte gaiaren inguruan urriaren 2an. Bergara 1936, gerra eta errepresioa ikus-entzunezkoa ere ikusgai izango da Elgetan urriaren 3an, eta urriaren 8an Consejo de guerra contra el clero vasco, 1936-44. La Iglesia vasca vencida" izeneko liburua aurkeztuko dute Xabier Amurizak, Martin Orbek, Anxo Ferreiro Currázek y Julia Monjek.
Frontera egingo duten hurrengo bisita gidatua irailaren 29an izango da.