Zapatuan Sagardo eguna izango dugu Elgetan. Parte hartze handia duen festa da, eta aurten egun osoko egitaraua aurkeztu dute gaztetxetik, bazkariarekin eta bertso-afariarekin.
Festa eguerdiko txikiteoarekin hasiko dute. Gaztetxetik abiatuko da kalejira 12:30ean. 14:30ean paella jana egingo dute gaztetxean, eta 17:00etan hasiko da sagardoaren festa doan banatuko baitute herriko tabernetan.
Tortilla lehiaketa
Eguneko hitzordu gastronomikoa 18:00etan hasiko da. Ahior taldeak irabazi zuen iaz tortilla lehiaketa, eta Boballoo taldeak egin zuen originalena. Zapatuan berriz jokatuko da Elgetan parte hartze handiena lortzen duen lehiaketa gastronomikoa. Iaz 21 talde izan ziren, eta gaztetxetik bariku arratsaldea aurretik liburutegian izena emateko eskaera egin dute.
Sagardo eguna borobiltzeko triki-poteoa (20:00etan) eta bertso-afaria (22:00etan) iragarri dituzte. Bertsotan Manex Agirre eta Jokin Labaien ariko dira.
Gaztetxetik jakinarazi dute bazkariaren prezioa bost euro dela, eta bertso-afariarena 15 euro. Bihar, eguena, da izena emateko azken eguna. Interesatuek Haizea tabernara jo behar dute.