Toki berean kokatuko dute kiosko berria. Aurrekoa baino handiagoa eta erosoagoa izango da. Gutxi gorabehera, azalera bikoitza izango du. Bere neurriak honakoak izango dira: zabalera 2,40 metro, garaiera 2,73 metro, eta sakonera 2,40 metro.
Udal arduradunen esanetan astelehenean iritsiko da, eta abuztuko lehenengo egunetan apalak eta beharrezkoa izango duen instalazioa egingo diote: dagokion espazioan finkatu, distribuzioa erabaki, apalak eta gainerako altzariak ipini, argindarraren instalazioa konektatu... Julian Markiegik erabaki beharko du zer eta nola nahi duen.
Gozoki-saltzaileak esan duenez kiosko berria oporren ostean zabalduko du; abuztuaren 28an. Tarte horretan ez du gozokirik salduko. Guztiz oporretan, ordea, ez da egongo: bezeroek goizero aurkituko dute herriko plazako arkupeetan prentsa saltzen.