Ur-putzuak uztaileko klasiko bat dira Elgetan, eta aurten ere ipini dituzte. Atzo arratsaldean plastikozko hiru igerileku zabaldu zituzten Maala parkean, eta 16:00etarako gertu ziren umeen gozamenerako. Aurten, ordea, ezustekoa egon da igerileku handienarekin.
Aurrekoak apurtu egin ziren, eta erosi berriak dira hiru ur-putzuak. Igerileku handia aurrekoa baino handiagoa da, eta atzon ikusi zenez ezin da Maala parkean ipini. Txikia, baina desnibela du lurzoruak eta igerilekua bete ahala gainezka egiten du urak. Hala, gaur goizean kiroldegiko kantxara eraman dituzte hiru igerilekuak.
Martitzenera arte
Gaur, barikua eta astelehenean eta martitzenean egongo dira erabilgarri hiru ur-putzuak, 16:00etatik 19:00etara. Antolatzaileek gogorarazten dute gurasoen ardura dela umeak zaintzea.
Astelehenean bits festa
Ondo baino hobeto aprobetxatuko dituzte ur-putzuok Elgetan. Astelehenerako, gainera, bits festa iragarri du Udalak, 18:00etarako. Kiroldegiko kantxan egingo dute.