Azkenean bai, iritsi da uda eta Elgetan ur-putzuak egongo dira aurten ere. Gaur arratsalderako iragarri dituzte. Urtero moduan Maala parkean ipiniko dituzte, baina bada berritasunik. Aurreko urteetan erabili diren igerilekuak apurtu egin dira, eta berriak erosi dituzte. Hala, berri-berriak estreinatuko dituzte neska-mutikoek gaur.
Hiru ur-putzu
Ur-putzu handi bat eta bi txiki ipiniko dituzte aurten ere. Asmoa da gunea gaur arratsaldean zabaltzea; 16:00etatik 19:00etara. Bihar ere erabilgarri egongo da. Goizean udalekuko umeendako, eta arratsaldean gainerako guztiendako. Antolatzaileek gogorarazten dute gurasoen ardura dela umeak zaintzea.
Bits festa astelehenean
Eguraldia lagun bada, astelehenean eta martitzenean ere ur-putzuak izango dira Maalan. Gainera, bits-festa ere iragarri dute udaletxetik. Astelehenean izango da, 18:00etan.