Berrikuntza politak egin ditu hilabeteotan Jose Inazio Ibarluzea Irei-k etxe atarian. Egurrezko eserlekua, burdinezko apaingarriak, loreak... plaza kordobesa zirudiela entzun du behin baino gehiagotan, eta laster etorri da inaugurazioa.
Atzo iluntzean, lagun talde polita elkartu zen Ibarluzeak etxe aurrean ipinitako mahaiaren bueltan. Inauguraziorako etxafuegoak bota, txitxi-burruntzia egin eta botila ardoak zabalduta zituzten. Alkatea ere gonbidatu zuten. Ekitaldiko erretratu ofiziala ere atera zuten.