Domekako txikiteoa, kantuan

Domeka eguerdiko txikiteoa kantuan egin dute gaur, domeka, Elgetan. Udalak herriko abesbatzaren laguntzarekin eta herritarren ezinbesteko partaidetzarekin abiatutako Elgeta Kantuan ekimenaren hirugarren edizioak 40 lagun batu ditu, herrikoak gehienak, nahiz eta herrian aurrez izan diren jaunartzeak direla-eta kanpotik etorritakoak ere baziren.

Eguerdiko 13:00etan abiatu dira plazatik, Joxe Gardoki Aramaioko soinujolea eta Beñat Leanizbarrutia panderojolearekin. Herriko lau tabernetan geldiuneak eginda kantatu dituzte hiruna abesti bakoitzean; eta batetik besterako bidea kalejiran eginez 14:30 inguruan heldu dira helmugara, Espaloira.

Eguraldiak erakutsitako aurpegi tristea alaitzea lortu dute, bada, gaur Elgetan, euskal kantu ezagunekin osatutako errepertorioaz. Partaideen kantatzeko gogoa ikusita, data zehatzik jarri ez duten arren, hirugarrenaren ostean izango da bai, antolatzaileen hitzetan, laugarrena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.