Jai Batzordeak jakitera eman duenez salgai Julianen kioskoan daude Herri Eguneko bazkarirako txartelak. Aurten ere 600 bat lagunendako paella erraldoia egingo du Santanderko Vicente Quintanak. Txartelak lau eurotan daude salgai.
Umeen bazkaria
Umeen bazkaria banatzeko lauzpabost guraso behar direla jakinarazi dute Jai Batzordetik. Eskolan edo udaletxean eman daiteke izena eguen eguerdia aurretik. Nahikoa guraso ez badaude egueneko jai batzordean erabakiko da zer egin umeen bazkariarekin.