Herri Eskola eta Maala Guraso Elkartea hasita daude ikasturte amaiera prestatzen, eta Maala Guraso Elkartea hasita dago datorren ikasturteko eskolaz kanpoko ekintzak antolatzen. 2013-2014 ikasturtean eskolaz kanpoko ingeleseko saioetan parte hartu gura duten neska-mutikoek ekainaren 14ra arteko epea dute izena emateko.
Interesatuek Maala Guraso Elkarteak eskolako sarreran duen postontzia erabili behar dute: sartu bertan ikaslearen izen-abizenak jasotzen dituen idatzi bat.