Dani DaOrtiz malagarrak hartu zituen showman lanak eta hark gidatu zuen gala, Tamarizen eskolaren amarru jostari eta umoretsuekin. Karta-jolas biziaren zorabioaz baliatuta, ikuskizunen arteko geldiuneak entretenitu zituen grazia handiarekin. Oturuntza handietan sorbeteak bezala, plater nagusien arteko aringarria izan zen harena. Menua bost platerekoa izan zen: zigarroekin magia komikoa, espiritismo ukituko ilusionismoa, manipulazio akrobatikoa eta amaitzeko, ikuskizun magia handia amaitzeko. Ustekabean eta konturatzeke igaro ziren bi ordu eta pikuak. Nazioarteko magiaren bost espektakulu erakusgarri moduan saldutakoak, agindutakoa bete zuen. Ikusgarria zentzumen guztientzat.
KRONIKA OSOA GOIENAREN ASTELEHENEKO PAPEREKO EDIZIOAN