Arrakasta izan du Xalbadorpe elkarteak herriko erretiratuendako antolatutako egun osoko txangoak. "Ordu erdian bete dugu autobusa", esan du Pedro Mari Ubera presidenteak. Esan duenez, 50 lagunendako autobusa zuten hitzartuta, baina, azkenean, 60 lagunekoa eskatu dute. Ordizia eta Hondarribia bisitatuko dituzte eguaztenean, hilak 8, Elgetatik 08:15ean irtenda. Bazkaria Oiartzungo Gurutze Berri jatetxean egingo dute. Arratsaldeko plana eguraldiaren arabera erabakiko dute.