Beranduago, baina aurten ere frontenis txapelketa izango dugu Elgetan. Antolatzaileek zabaldu dute izena emateko epea eta proposamena aurten hiru talde edo txapelketa osatzea da: gizonezkoena, emakumezkoena eta bikote mistoena. Taldeak osatuko dira baldin eta gutxienez lau bikote badaude.
Partiduak barikuetan eta zapatuetan
Antolatzaileek jakitera eman dutenez interesatuek hilaren 27ra arte epea dute Espaloia kafe antzokian izena emateko. Prezioa, bikoteko 10 euro da. Partiduei dagokienean bariku iluntzeetan eta zapatu arratsaldeetan jokatuko dira. Parte hartzeko gutxieneko adina 16 urte da.