Bi jardunaldi jokatu dira, eta 35 txirlo jota taldekako lehen postuari eusten dio 'Elgeta A' taldeak.Talde horretako bolariak dira Segundo Pagaegi, Antonio Antxutegi, Antonio Ibarluzea, Sebas Arantzabal, Sabin Arriaga eta Patxi Olabarria (ordezkoa). Oraingoz lehen postuan daude. Bost txirlotara dituzte Asola Berri eta San Miguel taldeak.
Banakako sailkapenean, berriz, hirugarren postuan da Sebas Arantzabal, bederatzi txirlo jota.
Zapatuan jokatuko da txapelketako hirugarren jardunaldia Elgoibarko San Miguelen, 17:00etan hasita. Ea emaitzek laguntzen dute. Elgeta B taldea ere hor dabil. Bolariak dira Xabier Ortuzar, Arlindo Almeida, Geaxi Ezpeleta, Jose Monterroso, Ricardo Albizuri eta Jose Luis Zabala (ordezkoa).
Gogoratu behar da txapelketako zazpigarren jardunaldia Elgetan jokatuko dela; maiatzaren 11n izango da, 17:00etan.