Debagoieneko Trikitixa Egunak bederatzigarren edizioa izango du aurten, eta Elgetan 300 trikitilari eta pandero-joletik gora espero dituzte. Egitaraua prest dute: ongietorria, kalejira, ekitaldi nagusia plazan, herri bazkaria eta erromeria Eibarko eMePebo5t taldearekin.
Herri bazkaria
Antolatzaileek bi menu prestatu dituzte herri bazkarirako; umeendako menua 13 euroan edo nagusiendako menua 18 euroan. Interesatuek apirilaren 16ra arteko epea dute izena emateko. Bideak dira udaletxera deitzea —943 76 80 22—, danonartian@elgeta.net helbidera idaztea edo zuzenean Euskadiko Kutxako 3035 0023 91 023114703 kontuan ingresoa egitea.