Elgetan zuritzen hasi da

Iragarpenak bete egin dira eta mendi goi zein auzo eta herri garaietan zuritzen hasi da apurka-apurka. Elgeta, esaterako, halaxe zegoen 19:00ak aldera. Oraingoz, halere, ez du aparteko arazorik sortu elurrak errepideetan eta Elgetako bidea zabalik dago. Arantzazun, Udanan eta Deskargan, ostera, arretaz gidatzea gomendatzen du Herrizaingo sailak. Gure eskualdeko gainerako mendateetan ez da arazorik eta normal gida zitekeen 20:00ak zirenean.