Zergatik praktikatzen dugu sexua gazteleraz? Nork daki euskaraz iraintzen? Eguneroko bizitzan zergatik jotzen dugu horrenbeste erdarara?...
Oihan Vega aurkezle ezagunak, umorea eta sarkasmoa erabiliz, euskararen erabileraren inguruko hausnarketa egitera gonbidatuko gaitu gaur, martxoak 1, Euskararen espektakulue ikuskizunarekin. Bakarrizketa dibertigarri eta ironikoa da Euskararen espektakulue; musikaz, kantuz eta zinemaz lagunduta publikoari barrea eragiteaz gain, gogoetarako aukera ere ematen duena.