Bost guraso elkartu ziren aurreko eguaztenean guraso elkarteak eta Udalak deituriko batzarrean. Adin txikikoendako txapelketa bat antolatzeak dituen zailtasunak azaldu ziren bertan, eta jakinarazi zen gurasoen inplikazioa ezinbestekoa izango zela.
Nahiz eta lehen bilera horretara guraso gutxi agertu, izenemate epea zabaltzea erabaki da.
Bi maila
Bi maila egitea da asmoa: lehenengo mailatik hirugarren mailarainoko haurrak, alde batetik, eta laugarren mailatik 14 urtera bitartekoak, bestetik. Izenemate epea otsailaren 15era arte dago zabalik, eta talde bakoitzeko, gutxienez, hiru guraso arduradun eskatzen dira.
Otsailaren 19an, martitzena, egingo da hurrengo bilera gurasoekin, 19:00etan. Orduan erabakiko da txapelketa antola daitekeen edo ez.