Ia guztiak elkartu dira, 24 noble, eta hildakoen omenez esandako meza bukatutakoan egin dute batzarra sakristian; azken kontuen berri eman eta altak eta bajak eguneratu dituzte. Hain zuzen, bi baja izango direla jakinarazi du kofradiako idazkari den Juan Ramon Irazabalek, eta ez dela horien ordez inor sartuko: "Sasoi batean 60 bat ziren Uberakoak eta beste horrenbeste Elgetakoak, baina poliki-poliki gutxitzen goaz; batzuek ez dutelako atzetik inor eta beste batzuek ez dutelako erreleborik hartu gura".
Bizkor bukatu dute ekitaldia eta txikiteoa egin eta gero kiroldegira jo dute bazkaltzera.