Akaso lehenengo jardunaldia zelako, baina domeka goizean jokatutako futbito txapelketako partiduek jendetxua elkartu zuten frontoian. Emaitzei dagokienean, Astuan Villa taldeak 25-02 irabazi zion Tzibaz Unitek taldeari, Txapelak 28-02 irabazi zion Intxorta's Crew taldeari, eta La Kokotxak 12-04 irabazi zion Naste Borraste taldeari.
Sailkapenak
Egindako eta jasotako gol kopurua kontuan hartuta lehen hiru norgehiagokak jokatu ostean Txapela da sailkapeneko lehen taldea. Jarraian ditu Astuan Villa eta La Kokotxa.
Golegileen sailkapenean, berriz, Txapela taldeko Haritz Gallastegi da lehenengoa zortzi gol egin ostean. Bigarrena, zazpi golekin, La Kokotxa taldeko Iraitz Bolinaga da. Sei golekin berdinduda daude sailkapenean Astuan Villa taldeko Iñaki Olaortua, eta Txapelako Eñaut Arantzeta.