Txapelketa urtarrileko bi aste bukaeratan jokatzea zen lehenengo ideia, baina azkenean ez da hain azkarra izango. Gizonezkoetan zazpi taldek eman dute izena: La Kokotza, Jaitxo, Txapela, Intxorta's Crew, Astuan Villa, Naste-Borraste, eta Tzibaz United.
Emakumezkoak ere animatu dira futbito txapelketan parte hartzera eta, momentuz, hiru talde osatu dituzte: Etxaon, Bajaon eta Bandoleira. Laugarren talde bat osatzeko ahaleginean ari dira.
Aste bukaera oro izango dira ligaxkako partiduak frontoian. 25 minutuko bi zati izango dira tartean bost minutuko atsedenarekin. Gauzak ondo bidean finalerdiak martxoaren 10ean jokatuko dira, eta finala amaierako afariarekin martxoaren 16an.
Partiduak domekan
Domekan, hilaren 13an, emango diote hasiera txapelketari, 10:00etan. Gizonezkoen txapelketako hiru norgehiagoka jokatuko dira. Hauxe kartelera:
10:00etan, Astuan Villa-Tzibaz United (epailea: Txapela).
11:00etan, Txapela-Intxorta`s Crew (epailea: La Kokotxa).
12:00etan, Naste Borraste-La Kokotxa (epailea: Intxorta`s Crew).