Magia Mostrak bederatzi edizio beteko dituen urtean, Monologo Mostra abiaraziko dute Elgetako kafe antzokian. Zortzi emanaldik osatuko dute Elgetako I Monologo Mostra, lau urtarrilean eta lau otsailean.
Urtarrilaren 18an eta 19an Ernesto Sevilla monologista ezagunak Monologos de Coconut ikuskizuna eskainiko du. Hurrengo aste bukaeran, urtarrilak 25-26, bi monologista izango dira Elgetan: Sara Escudero eta Miguel Iribar. Sara Escudero El Club de la Comedia saioko azken irabazlea da. Miguel Iribar, berriz, Paramount Comedyko komikoa eta gidoilaria da.
Otsailean Pedro Llamas eta Dani Lopezek emango diote jarraipena Monologo Mostrari. Batera Vaya por Dios: mejorando lo presente izeneko ikuskizuna egingo dute otsailaren 15ean eta 16an. Monologo Mostra ixteko Dani Mateo monologista entzutetsua izango da Elgetan PK2: Que Dios nos coja confesados emanaldiarekin.
Sarrerak salgai daude Espaloia kafe antzokiaren webgunean.