Elgetako musika irakasle Lorea Larrañagak lan handia egin du aurten ere herriko musikarien Gabonetako emanaldia antolatzen. Atzo, abenduak 28, ordu eta erdiko saioa egin zuten herriko musikariek; adin guztietako 27 musikari eta abesbatzako zortzi kide. Gitarra, pianoa, biolina, eta akordeoia entzun ziren atzoko emanaldian.
Ikasle gazteek hiru hilabeteotan ikasitako piezak jo zituzten, eta amaieran Elgetako abesbatzak Haurtxo polita abestu zuen. Ondoren, musikari guztiek batera, abesbatzako zuzendaria den Jose Antonio Retolazaren Muxu bat kantua abestu zuten, eta amaitzeko Hator, Hator herrikoia.
Espaloia bete egin zen herriko musikarien saioa ikusteko.